د فتوې شمېره (۲۸۴)
پوښتنه :
ایا د قرض غوښتلو په وخت کې جایز ده جې قرض غوښتونکی ځان غني ( مالدار) معرفي کړي او حال دا چې په حقیقت کې فقیر ( غریب ) وي ؟
پوښتونکی : ناصح جان افغاني
الجواب وبالله التوفیق :
د قرض غوښتلو وخت کې ځان مالداره معرفي کول تر څو هغه قرض درکړي دوکه او دروغ دي .
چاته دوکه ورکول او یا دروغ ویل په شریعت کې عظیمه ګناه ده ، باید ځان ترې وساتل شي .
الدلیل علی ذلک :
عَنْ أَبِي هُرَيْرَةَ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: ” آيَةُ المُنَافِقِ ثَلاَثٌ: إِذَا حَدَّثَ كَذَبَ، وَإِذَا وَعَدَ أَخْلَفَ، وَإِذَا اؤْتُمِنَ خَانَ “
صحیح البخاري ټوک : ۱ ، مخ : ۱۶ ، باب علامة المنافق
عَنْ أَبِي بَكْرٍ الصِّدِّيقِ قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ: مَلْعُونٌ مَنْ ضَارَّ مُؤْمِنًا أَوْ مَكَرَ بِهِ.
جامع الترمذي : باب ماجاء فی الخیانة والغش
(و) كره (النجش) بفتحتين ويسكن: أن يزيد ولا يريد الشراء أو يمدحه بما ليس فيه ليروجه ويجري في النكاح وغيره.
الدرالمختار ، ټوک : ۵ ، مخ : ۱۰۱ ، باب البیع الفاسد
