د فتوې شمېره (۳۱۹)
پوښتنه :
که څوک خپلې لاړې په لاس کې تو کړي او بیا یې تېرې کړي ، یا د بل چا لاړې تېرې کړي ، د روزې قضا او کفاره پرې شته او کنه ؟
الجواب وبالله التوفیق :
که څوک خپلې لاړې په لاس یا په بل شي کې توکړي او بېرته یې تېرې کړي یا د بل چا لاړې تېرې کړي ، روژه یې ماتیږي ، قضا پرې لازم ده خو کفاره پرې نشته .
که څوک د خپل یار لاړې تېرې کړي یا د خپل پیر او یا د استاذ لاړې د تبرک په نیت تېرې کړي ، روژه یې ماته شوه ، قضا او کفاره دواړه پرې لازم دي .
او که څوک خپلې لاړې په خوله کې جمع کړي او بیا یې تېرې کړي ، روژه یې نه ماتیږي ، خو داسې عمل کول مکروه دی .
الدلیل علی ذلک :
ولو ابتلع بزاق غیره فسد صومه بغیر کفارة الا اذاکان بزاق صدیقه فحینئذ تلزمه الکفارة .
وان ابتلع بزاق نفسه من یده فسد صومه ولاتلزمه الکفارة ….
الفتاوی العالمګیریة ، ټوک : ۱ ، مخ : ۲۰۳ .
ویکره للصائم ان یجمع ریقه فی فمه ثم یبتلعه …
العالمګیریة ، ټوک : ۱ ، مخ : ۱۹۹ .
ولو جمع الریق قصدا ، ثم ابتلعه فانه لایفسد صومه …
طحطاوي شرح الملاقي ، ټوک : ۲ ، مخ : ۳۲۵ .
