روژه او اعتکاف

ایا په لمبو وهلو سره روژه ماتیږي ؟

د فتوې شمېره (۳۲۰)

پوښتنه :

په روژه کې که څوک په سیند یا د اوبو په ډنډ کې لمبو ووهي ، روژه یې ماتیږی او کنه ؟  تبعا د لمبو وهلو پر مهال د سړي اوبه هم تیریږي !

الجواب وبالله التوفیق :

په لمبو وهلو سره روژه  نه ماتیږي . البته که د لمبو وهلو پر مهال د چا په خطا سره اوبه تېرې شي روژه یې ماتیږي قضا پرې لازم ده او کفاره پرې نشته .

او که چا د لمبو وهلو پرمهال قصدا اوبه تېرې کړي ، روژه یې ماتیږي قضا او کفاره دواړه پرې لازم دي .

یادونه : روژه دار باید ډېر پام وکړي چې په داسې ځای کې لمبو ونه وهي چې اوبه یې تېرې شي ، کنه روژه یې ماتیږي .


الدلیل علی ذلک :

وان تمضض او استنشق فدخل الما‌‌ء جوفه ان کان ذاکرا لصومه فسد صومه وعلیه القضاء ، و ان لم یکن ذاکرا لصومه لا یفسد صومه ، کذا فی الخلاصة وعلیه الاعتماد .

الهندیة ، ټوک : ۱ ، مخ : ۲۰۲ ، کتاب الصوم الباب الرابع .

ومن جامع او جومع او اکل او شرب عمدا غذاءا او دواء قضی و کفر ککفارة الظهار … وقید بالعمد لاخراج المخطئ والمکره فانه وان فسد صومها لا تلزمها الکفارة …

البحر الرایق : ټوک : ۲ ، مخ : ۲۷۶ ، کتاب الصوم باب ما یفسد الصوم ..



اړونده فتواګانې

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

دا فتوا هم وګوره !!

Close
Close