طهارت او لمونځ

په لمانځه کې په کومو اعمالو(کړنو) سره سجده سهوه واجبیږي !

د فتوې شمېره (۳۳۰)

پوښتنه :

محترم مفتی صیب ! که دا مسئله راته واضحه کړئ چې په لمانځه کې هغه کوم عملونه دي ، چې سجده سهوه ورسره لازمیږي ؟ ډېر منندوی به مو وو .

پوښتونکی : عبدالقادر لغمان

الجواب وبالله التوفیق :

که څوک په لمانځه کې لاندې ذکر شوي عملونه ترسره کړي ، سجده سهوه پرې واجبیږي :

۱ : که له چا څخه کوم واجب په هېره پاتې شي .

۲ : کوم واجب له خپل محل څخه وروسته وکړي .

۳ : یو واجب عمل د یو رکن په اندازه وروسته کړي .

۴ : واجب عمل دوه ځلې ترسره کړي .

۵ : واجب عمل ته تغیر ورکړي ، لکه څوک چې په جهري لمونځ کې قرات سري (پټه) ولولی یا د دې برعکس کار وکړي .

۶ : له فرائضو څخه یو فرض له خپل محل څخه وروسته کړي .

۷ : فرض عمل له خپل محل څخه مخکې ادا کړي .

۸ : فرض عمل دوه ځلې په هېره سره ادا کړي .


الدلیل علی ذلک :

ولا يجب الا بترك واجب … او بتأخيره … او بتأخير ركن … وذکر فی الذخزة سجود السهو یجب بستة اشیاء …فیجب بتقدیم رکن … وبتأخیر رکن … وبتکرار رکن وبتغییر الواجب .. وبترک الواجب … وبترک السنة المضافة الی جمیع الصلاة …

حلبی کبیر : مخ : ۴۵۵ ، کتاب الصلاة فصل فی سجود السهو



اړونده فتواګانې

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

دا فتوا هم وګوره !!

Close
Close