ایا د قرباني قضايي شته ؟

د فتوې شمېره (۳۵۰)

پوښتنه :

که په چا باندې قرباني واجب وي ، خو  د ستونزو او یا د غفلت له کبله ترې پاتې شي ، څه به کوي ؟

الجواب وبالله التوفیق :

که په چا قرباني واجب وي ، څاروی یې اخیستی وي ، قرباني یې نه کړي ، نو پرده واجب ده چې له اختر وروسته دغه څاروی پر مسکینانو خیرات کړي او یا یې قیمت پرمسکینانو صدقه کړي . البته غوښه یې پخپله نه شي خوړلی او نه یې مالدار ته ورکولی شي .

او که د قربانۍ لپاره یې څاروی نه وي اخیستی ، بیا به د درمیانه (اوسط) څاروي قیمت مسکینانو ته ورکوي .

الدلیل علی ذلک :

وتعقبه الشيخ شاهين بأن وجوب التصدق بالقيمة مقيد بما إذا لم يشتر، أما إذا اشترى فهو مخير بين التصدق بالقيمة أو التصدق بها حية كما في الزيلعي أبو السعود.

وأقول: ذكر في البدائع أن الصحيح أن الشاة المشتراة للأضحية إذا لم يضح بها حتى مضى الوقت يتصدق الموسر بعينها حية كالفقير بلا خلاف بين أصحابنا،

ردالمحتار ، ټو ک : ۶ ، مخ : ۳۲۱ ، کتاب الاضحیة