د فتوې شمېره (۳۵۳)
پوښتنه :
سوال د طلا (سروزرو) د زکات په اړه معلوماتو ته ضرورت لرم هیله ده مستند معلومات شریک کړئ
مننه
پوښتونکی : محب الله
الجواب وبالله التوفیق :
د چا په ملک کې چې اونیمې تولې سره زر وي ، یا خو د اونیمو تولو څخه کم وي خو دومره سپین زر یا نغدې روپۍ ورسره وي ، چې د سرو زرو سره یوځای شي د دوه پنځوس نیمو تولو سپینو زرو ته یې قیمت رسیږي ، زکات پرې واجب دی .
البته که دچا سره د اونیمو تولو نه سره زر کم وي ، سپین زر یا نغدې ورسره یوه روپۍ هم نه وي ، زکات پرې نه دی واجب .
الدلیل علی ذلک :
ولو ضم احد النصابین الی الاخر حتی یودي کله من الذهب او من الفضة لا باس به . لکن ان التقویم بما هو انفع للفقراء قدرا او رواجا .
الفتاوی العالمګیریة ټوک : ۱ مخ : ۱۷۹ کتاب الزکاة الباب الثالث .
فاما اذا کان له ذهب مفرد فلا شیء فیه حتی یبلغ عشرین مثقالا . فاذا بلغ عشرین مثقالا ففیه نصف مثقال…. الخ
بدایع الصنائع ، ټوک ۲ مخ : ۱۸ کتاب الزکاة
