د فتوې شمېره (۳۵۶)
پوښتنه :
که یو نفر وغواړي پوره غوایی ځانته قرباني کړي ، بل څوک ځان سره شریک نه کړي ، قرباني یې سهي کیږي او کنه ؟
الجواب وبالله التوفیق :
په غټ څاروي کې اوه نفره شرېکیدل ضرور نه دي ، یو نفر هم کولی شي ، پوره غوایی ځانته قرباني کړي او په دې صورت کې پوره غوایی یوه برخه حسابیږي .
همدا ډول له اوو (۷) څخه کم دوه ، درې یا شپږ نفره هم پکې شریکیدلی شي .
الدلیل علی ذلک :
(قوله ولو ضحى بالكل إلخ) الظاهر أن المراد لو ضحى ببدنة يكون الواجب كلها لا سبعها بدليل قوله في الخانية: ولو أن رجلا موسرا ضحى ببدنة عن نفسه خاصة كان الكل أضحية واجبة عند عامة العلماء وعليه الفتوى اهـ
ردالمحتار ، ټوک : ۶ ، ۳۳۳ ، کتاب الاضحیة
