متفرق مسا‌‌ئل

د پخواني جومات په زمکه باندې تشنابونه جوړول !

د فتوې شمېره (۳۶۰)

پوښتنه :

زمونږ په کلي کې نوی مسجد پراخه او ښایسته جوړ شو ، کلیوال غواړي د زاړه مسجد په زمکه باندې تشنابونه یا د استنجا ځایونه جوړ کړي ، ترڅو خلک ترې استفاده وکړي . ایا داسې کول جایز دي ؟

الجواب وبالله التوفیق :

کله چې په یوه وقف شوې زمکه جومات جوړ شي ، تر قیامته به جومات وي ، په ځای یې بل څه جوړل جواز نه لري .

لهذا د پخواني جومات په زمکه باندې تشنابونه یا د استنجا لپاره ځایونه جوړول جایز نه دي .


الدلیل علی ذلک

ولهذا قال أبو يوسف إن المسجد إذا خرب واستغنى الناس عنه أنه يبقى مسجدا إلى يوم القيامة

بدائع الصنائع ، ټوک : ۳ ، مخ : ۳۷ ، فصل في الحلف علي الدخول

(ولو خرب ما حوله واستغني عنه يبقى مسجدا عند الإمام والثاني) أبدا إلى قيام الساعة (وبه يفتي)

ردالمحتار ، ټوک : ۶ ، مخ : ۵۵۰ ، فرع بناء بیتا للامام فوق المسجد

[الْوَطْءُ فَوْقَ الْمَسْجِدِ وَالْبَوْلُ وَالتَّغَوُّطُ]

(قَوْلُهُ وَالْوَطْءُ فَوْقَهُ وَالْبَوْلُ وَالتَّخَلِّي) أَيْ وَكُرِهَ الْوَطْءُ فَوْقَ الْمَسْجِدِ وَكَذَا الْبَوْلُ وَالتَّغَوُّطُ لِأَنَّ سَطْحَ الْمَسْجِدِ لَهُ حُكْمُ الْمَسْجِدِ

البحرالرايق , ټوک : ۲ ، مخ : ۳۶ ، فصل استقبال القبلة بالفرج في الخلاء

والله تعالی اعلم بالصواب



اړونده فتواګانې

2 thoughts on “د پخواني جومات په زمکه باندې تشنابونه جوړول !”

  1. محترم مفتي صاحب سلامونه او احترامات تقدیموم:
    پوښتنه:
    آیا بیمه په اسلام کې جائز ده او که نه؟
    دا چې بیمه ډیر اقسام لري که چیرې د بیمې ټول اقسام ناروا وي چې ځان ترینه وساتو او که کوم استثنائي صورتونه لري نو د مهربانۍ له مخې وضاحت یې وکړئ
    که زحمت نوي نو د کتاب حواله هم ورکړئ
    مننه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

دا فتوا هم وګوره !!

Close
Close