طهارت او لمونځ

د رمضان پرته وتر واجب په جَمعې سره کول څه حکم لري؟

د فتوې شمېره(۴۳۸)

پوښتنه:

السلام عليكم ورحمة الله وبرکاته!
وبعد، مفتي صیب! اکثره خلک دا پوښتنه کوي چې، د رمضان المبارک نه پرته هم وتر واجب  په جمعې سره کیږي.
که تاسې په دې باندې لږ لیکنه وکړئ ډېره به ښه وی!
پوښتونکی قاري کریم الله
الجواب وبالله التوفیق:
په دې باندې د ټولو مسلمانانو اجماع ده چې، د رمضان په مبارکه میاشت کې وتر واجب په جَمعې سره کول غوره دي.
د رمضان د میاشتې نه پرته وتر په جَمعې سره کول سهي نه دي؛ ځکه چې وتر هم یو ډول نفل دي او د تراویحو، استسقاء او کسوف لمانځه پرته نور نفل په جَمعې سره کول شرعا ثابت نه دي.
الدلیل علی ذلک:
(ولا يصلي الوتر و) لا (التطوع بجماعة خارج رمضان) أي يكره ذلك
الدرالمختار: ټوک:۲، مخ:۴۸، کتاب الصلاة، باب الوتر والنوافل
ويوتر بجماعة” استحبابا “في رمضان فقط” عليه إجماع المسلمين لأنه نقل من وجه والجماعة في النقل في غير التراويح مكروهة فالاحتياط تركها في الوتر خارج رمضان…
“وصلاته” أي الوتر “مع الجماعة في رمضان أفضل من أدائه منفردا آخر الليل في اختيار قاضيخان قال” قاضيخان رحمه الله “هو الصحيح”
مراقي الفلاح: مخ:۳۴۶، کتاب الصلاة، باب الوتر وکذا فی حاشیة الطحطاوي
کابل ټکی کام دارالافتاء



اړونده فتواګانې

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close