طهارت او لمونځ

په رکوع کې د تلاوت دسجدې نیت کول څه حکم لري؟

د فتوې شمېره(۴۳۹)

پوښتنه:

محترمه زما پوښتنه دا ده چې:په رکوع کې د سجده یې تلاوت نیت کول څه حکم لري؟ او که امام په رکوع کې د سجدې نیت وکړي او مقتدیان خبر نه وي؛ نو د مقتدیانو د سجده تلاوت ادا کیږي او کنه؟


الجواب وبالله التوفیق:
په دې مسئله کې تفصیل دی:
که امام د سجدې ایت لوستلو وروسته سمدستي یا دوه او درې وړه ایتونو لوستلو وروسته رکوع ته لاړ شي؛ امام او مقتدیان په رکوع کې د تلاوت د سجدې نیت وکړي؛ نو د ټولو سجده تلاوت ادا کیږي.
او که امام په رکوع کې د سجدې نیت وکړي او مقتدیان یې ونه کړي؛ نو د امام سجده ادا شوه او د مقتدیانو ادا نه شوه. لهذا امام باید په رکوع کې د سجده تلاوت نیت ونه کړي.
او که امام په رکوع کې د تلاوت سجدې نیت ونه کړي، نو د لمانځه په سجده کې به دامام او مقتدیانو ټولو د تلاوت سجده ادا شي که چا د تلاوت سجدې نیت کړی وي او که یې نه وي کړی.
البته غوره او اسانه خبره دا ده چې، څنګه د سجدې ایت تلاوت شي سمدستي ورپسې د تلاوت سجده ادا شي.


الدلیل علی ذلک:
(وتؤدى بركوع وسجود) غير ركوع الصلاة وسجودها (في الصلاة وكذا في خارجها ينوب عنها الركوع) في ظاهر المروي بزازية (لها) أي للتلاوة (و) تؤدى (بركوع صلاة) إذا كان الركوع (على الفور من قراءة آية) أو آيتين وكذا الثلاث على الظاهر كما في البحر (إن نواه)
أي كون الركوع (لسجود) التلاوة على الراجح (و) تؤدى (بسجودها كذلك) أي على الفور (وإن لم ينو) بالإجماع، ولو نواها في ركوعه ولم ينوها المؤتم لم تجزه
درالمختار: ټوک:۲، مخ:۱۱۱-۱۱۲، کتاب الصلاة، باب سجود التلاوة
وإن قرأ آية السجدة في الصلاة فإن كانت في وسط السورة فالأفضل أن يسجد ثم يقوم ويختم السورة ويركع ولو لم يسجد وركع ونوى السجدة يجزيه قياسا وبه نأخذ ولو لم يركع ولم يسجد وأتم السورة ثم ركع ونوى السجدة لا يجزيه ولا يسقط عنه بالركوع وعليه قضاؤها بالسجود ما دام في الصلاة وذكر الشيخ الإمام المعروف بخواهر زاده أنه إذا قرأ بعد آية السجدة ثلاث آيات ينقطع الفور ولا ينوب الركوع عن السجدة وقال شمس الأئمة الحلواني لا ينقطع ما لم يقرأ أكثر من ثلاث آيات، كذا في فتاوى قاضي خان.
الفتاوی الهندیة:ټوک:۱، مخ:۱۳۳، کتاب الصلاة، الباب الثالث عشر
کابل ټکی کام دارالافتاء



اړونده فتواګانې

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close