زکات،سرسايه اوعشر

دمهر لپاره په کېښودل شوو پیسو کې زکات شته اوکنه؟

دفتوې شمېره(۴۵۸)

پوښتنه:

السلام علیکم ورحمة الله وبرکاته!

صحت او کامیابي مو غواړم!

یو ورور پوښتنه کوي وایي: چې په هغه وپیسو کې زکات شته چې یو کال مخکې دمهر ادا کولو لپاره ایښودل شوې وي؟

په درنښت!

پوښتونکی: عمار افغان


الجواب وبالله التوفیق:

مهر په دوه ډوله دی: یوته موجل ویلی کیږي او بل ته معجل.

موجل: چې سمدلاسه یې په مېړه ورکول لازمي نه وي.

معجل: چې کله یې هم مېرمن وغواړي ورکول یې لازمي وي.

که پرمېړه مهرموجل پاتې وي او ادا کولو اراده یې هم نه وي؛ نو په دې صورت کې د نورو پیسو په څېر د مهر زکات به هم ورکوي.

او که مهر معجل پرې پاتې وي، یا موجل وي خو میړه د دادا کولو اراده لري، د اداکولو لپاره یې هلې ځلې کوي او جمعه کوي یې هم ترڅو مېرمنې ته مهر ورکړي؛ نو په دې صورت کې دمهر لپاره په جمعه شوو روپیو کې زکات نشته.

البته که د مهر لپاره یې روپۍ جمعه کړې وي، خوتراوسه یې کوزده هم نه ده کړې، بیا به دکال په تیریدو سره د دې روپيو هم زکات ورکوي.


الدلیل علی ذلک:

وَلَا رِضًا أَطْلَقَهُ فَشَمِلَ الْحَالَّ وَالْمُؤَجَّلَ، وَلَوْ صَدَاقَ زَوْجَتِهِ الْمُؤَجَّلَ إلَى الطَّلَاقِ أَوْ الْمَوْتِ وَقِيلَ الْمَهْرُ الْمُؤَجَّلُ لَا يَمْنَعُ؛ لِأَنَّهُ غَيْرُ مُطَالَبٍ بِهِ عَادَةً بِخِلَافِ الْمُعَجَّلِ وَقِيلَ إنْ كَانَ الزَّوْجُ عَلَى عَزْمِ الْأَدَاءِ مَنَعَ، وَإِلَّا فَلَا؛ لِأَنَّهُ لَا يُعَدُّ دَيْنًا كَذَا فِي غَايَةِ الْبَيَانِ.

البحرالرايق: ټوک:۲، مخ:۲۱۹، کتاب الزکاة، باب شروط وجوب الزکاة

(قوله أو مؤجلا إلخ) عزاه في المعراج إلى شرح الطحاوي، وقال: وعن أبي حنيفة لا يمنع. وقال الصدر الشهيد: لا رواية فيه، ولكل من المنع وعدمه وجه. زاد القهستاني عن الجواهر: والصحيح أنه غير مانع

ردالمحتار: ټوک:۲، ۲۶۱، کتاب الزکاة

(وسببه) أي سبب افتراضها (ملك نصاب حولي) نسبة للحول لحولانه عليه (تام) بالرفع صفة ملك، خرج مال المكاتب.

(قوله: لحولانه عليه) أي لأن حولان الحول على النصاب شرط لكونه سببا، شامي:2/۲۵۹.کتاب الزکاة

کابل ټکی کام دارالافتاء



اړونده فتواګانې

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close