که څوک خپلې مېرمنې سره د یوځای کېدو نه مخکې طلاق ورکړي، څومره مهر به ورکوي؟ (ژباړه)

د فتوې شمېره(۵۰۰)

پوښتنه:

ما د یوې ښځې سره نکاح وکړه، په مهر کې مو یو کور وټاکه.

خو ما د یوځای کیدو نه مخکې طلاق ورکړ، اوس هغه کور غواړي، د شریعت له نظره کور د چا حق کیږي؟

پوښتونکی: محمد حمزه

الجواب وبالله التوفیق:

که په پوښتل شوي صورت کې کوروالی یا په ځانته ځای کې ورسره یوځای والی نه وي شوی او طلاق ورکړل شوی وي، نو دغه مېرمن د نیم مهر مسحقه ګرځیږي.

لهذا د شریعت له نظره په مهر کې ټاکلی شوی کور نیم د هغې حق کیږي.

الدلیل علی ذلک:

وَإِنْ طَلَّقْتُمُوهُنَّ مِنْ قَبْلِ أَنْ تَمَسُّوهُنَّ وَقَدْ فَرَضْتُمْ لَهُنَّ فَرِيضَةً فَنِصْفُ مَا فَرَضْتُمْ} [البقرة: 236-237]

والزيادة إنما تتأكد بأحد معان ثلاثة: إما بالدخول، وإما بالخلوة الصحيحة، وإما بموت أحد الزوجين فإن وقعت الفرقة بينهما من غير هذه المعاني الثلاثة بطلت الزيادة وتنصف الأصل ولا تتنصف الزيادة

الفتاوي الهندية: ټوک:۱، مخ:۳۱۳، الباب السابع في الزيادة في المهر

والله تعالي بالصواب

يادونه: پورتنۍ پوښتنه او ځواب یې په اردو کې شوې دي، تاسو سره مو د هغې فتوی ژباړه شریکه کړه!

كابل ټکی کام دارالافتاء