تجارت

د نوکانو یا د شونډو رنګ خرڅول شرعا څه حکم لري!

د فتوې شمېره(۵۳۳)

پوښته:

بله پوښتنه مې دا ده چې، مونږ سره په دکان کې داسې ښځینه یي سامان وي لکه د نوکان، شونډو رنګ او داسې نور چې د اودسه په وخت کې اوبه پوستکي ته نه پرېږدي؛ نو داسې سامان خرڅول څه حکم لري؟

پوښتونکی: محمد نسیم


الجواب وبالله التوفیق:

کوم شی چې په ځینو وختونو کې په جایزو کارونو کې کارول کیږي، د هغو تجارت جایز دی. او کوم چې یوازې به ناروا کارونو کې کارول کیږي، د هغو تجارت جایز نه دی.

د نوکانو او شونډو رنګ که کومې مېرمنې وکاروي، نو د اودسه او غسل لپاره یې پاکولی شي. او که څوک یې نه پاکوي هغه د دوی خپله ګناه ده.

لهذا د نوکانو او شونډو رنګ خرڅول جایز دي.

الدلیل علی ذلک:

والحاصل أن جواز البيع يدور مع حل الانتفاع مجتبى،

الدرالمختار: ټوک:۵، مخ:۶۱، کتاب البیوع، مطلب في دودة القرمز

قلت: وقدمنا ثمة معزيا للنهر أن ما قامت المعصية بعينه يكره بيعه تحريما وإلا فتنزيها. فليحفظ توفيقا.

الدرالمختار: ټوک:۶، مخ:۳۹۱، فصل في البیع

کابل ټکی کام دارالافتاء



اړونده فتواګانې

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close