نکاح ، طلاق او کورني مسائل

د رضاعۍ(د پۍ شریکې) خور د بلې خور سره نکاح کول!

د فتوې شمېره(۵۴۱)

پوښتنه:

محمد ولي او مسافر خان دواړه وروڼه دي. د محمد ولي دوه لورګانې او د مسافر خان دوه زامن دي.

د محمدولي مېرمنې د مسافر خان مشر زوی ته خپلې پۍ ورکړې دي.

او د مسافر خان مېرمنې د محمد ولي مشرې لور ته پۍ ورکړې دي.

اوس دوی غواړي چې د محمد ولي د کشرې لور د مسافر خان د کشر زوی سره نکاح وکړي. ایا د دوی دواړو دغه نکاح شرعا سهي ده؟

پوښتونکی: محمد ولي


الجواب وبالله التوفیق:

کله چې یو هلک یا جینۍ( دوو کالو په مده کې) له پردۍ مېرمنې څخه شیدې وڅښي، نو د دې مېرمنې ټول اولاد په دې هلک او جینۍ باندې حرام شول. البته د هلک نورو وروڼو او خویندو سره دغه مېرمن او د دغې مېرمنې نور  زامن او لورګانې نکاح کولی شي.

لهذا په پوښتل شوي صورت کې د محمد ولي کشره لور د مسافر د کشر زوی سره نکاح کولی شي؛ ځکه دوی دواړه په خپل مېنځ کې حرمت نه لري.


الدلیل علی ذلک:

وعن عایشة رضی الله عنها قالت : قال رسول الله صلی الله علیه وسلم : ان الله حرم من الرضاعة ما حرم من النسب .

مشکاة المصابیح مخ ۲۷۳ باب المحرمات

عن عایشة رضی الله عنها قالت : قال رسول الله صلی اللهس علیه وسلم:( یحرم من الرضاعة ما یحرم من الولادة ) مشکوة المصابیح ، ټوک : ۲ ، مخ :  ۲۷۳ ، باب المحرمات ، الباب الاول .

ازجانب شیرده همه خویش شوند ـــ اوزجانب شیرخوار زوجان وفروع

(وتحل أخت أخيه رضاعا)… التي أرضعتها (وولد ولدها) لأنه ولد الأخ

الدر المختار: ټوک:3, مخ:217, باب الرضاع

کابل ټکی کام دارالافتاء



اړونده فتواګانې

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

دا فتوا هم وګوره !!

Close
Close