قران او سنت

آیاپه موبایل یا کمپیوټرکې دقران تلاوت اوریدو سره سجده تلاوت واجبیږي ؟

(فتواشمیره:52)

پوښتنه:

كه په موبایل کې څوک د قران کریم دسجدې ایت واوري آیا په هغه کس باندې سجده تلاوت شته او که نه؟ مننه .

(پوښتنه کونکی: رشید خان – افغانستان)

الجواب وبالله التوفیق

دتلاوت سجده هغه وخت واجبیږي چې کله د تلاوت کونکي د خولې نه ایت دسجدې واوریدل شي او یا یې څوک پخپله تلاوت کړي او یا د رادیو او تلویزون څخه په ژوندې بڼه دغه ایت واوریدل شي ، او که په ژوندۍ بڼه تلاوت نه وي بلکه ریکاډ(ثبت) شوی وي او دسجدې والا ایت څوک واوري ، سجده ورباندې نه واجبیږي. او دسلام دجواب هم دغه حکم دی.

نو معلومه شوه چې په موبایل کې دثبت شوي قران تلاوت اوریدو سره سجده تلاوت نه واجبیږي ، البته که څوک ورسره په موبایل خبرې کوي او دسجدې ایت ور واوروي نو بیا سجده تلاوت شته.

وفي الشامیة تحت قوله (ولاتجب بسماعهامن الصدی):

(قَوْلُهُ مِنْ الصَّدَى) هُوَ مَا يُجِيبُك مِثْلُ صَوْتِك فِي الْجِبَالِ وَالصَّحَارِيِ وَنَحْوِهِمَا كَمَا فِي الصِّحَاحِ. (ردالمحتار ټوک 2 مخ 583 باب سجود التلاوة)



مهم ټکي

اړونده فتواګانې

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

دا فتوا هم وګوره !!

Close
Close