دفتوی شمیره (۱۷۹)
پوښتنه :
غلام جان په سعودي کې کار کوي ، دی غواړي چې دهغه زړه مور، د حج مبارکه فریضه ادا کړي. ایا دا جواز لري چې مور یې د تره زوی سره د کابل له هوایي میدان څخه تر جدې پورې لاړه شي ؟ او نور د حج مراسم به غلام جان پخپله ورسره ادا کوي .
الجواب وبالله التوفیق :
له کابل څخه تر جدې پورې مسافت، له شرعي حد نه هم زیات دی او د ښځې لپاره ( هغه که زړه وي او که ځوانه ) دومره سفر بغیر له محرم څخه روا ندی . لهذا په ذکر شوي صورت کې د غلام جان مور له کابل څخه تر جدې پورې سفر د ده د تره زوی سره نشي کولی، ترڅو ورسره خپل میړه ، پلار ، زوی ، ورور او یا بل کوم محرم نه وي .
الدلیل علی ذلک :
عن ابی سعید الخدری رضی الله عنه قال : قال رسول الله صلی الله علیه وسلم : لا یحل لامراة تومن بالله والیوم الاخر ان تسافر سفرا یکون ثلاثة ایام فصاعدا الا ومعها ابوها او ابنها او زوجها او اخوها او ذو محرم منها .
الصحیح المسلم ، ټوک : ۱ ، مخ : ۴۳۴ ، باب سفر المراة مع محرم الی حج وغیره .
( و محرم او زوج لامراة فی سفر ) ای وبشرط محرم الی اخره کما فی الصحیحین ………………………………
واطلق المراة فتشمل الشابة والعجوز لاطلاق النصوص .
البحرالرایق ، ټوک : ۲ ، مخ : ۵۵۱ ـ ۵۵۲
والله تعالی اعلم بالصواب
