ا.ا.ا د اقتصادي وضعیت په اړه د نړیوال بانک د وروستي راپور هرکلی کړی
کابل ټکی کام (شنبه، ۱۱وږی، ۱۴۰۲ل)
د ریاستالوزرا اقتصادي معاونیت د افغانستان اقتصادي وضعیت په اړه د نړیوال بانک راپور، چې د اقتصادي برخې پرمختګونه پکې راخیستل شوي، ستایلی دی. یاد معاونیت ویلي، که نړیواله ټولنه مثبت تعامل ته مخه، بندیزونه لرې او د افغانستان کنګل شوې شتمني ازاده کړي، هېواد به په اقتصادي برخه کې بشپړ پرمختګ وکړي. د انفلاسیون کچې لا ټیټېدل، په کور دننه دخوراکي توکو تولید زیاتوالی، د بهرنیو اسعارو پر وړاندې د افغانۍ ارزښت د پام وړ لوړېدل، د خوراکي او غیر خوراکي توکو بیې ټیټېدل او په بانکي سیستم کې رامنځته شوي پرمختګونه دهغو مواردو له ډلې دي چې په دې راپور کې یې یادونه شوې.
