کابل ټکی کام (پنجشنبه، ۷وری، ۱۴۰۴ل)
د افغانستان د صنعت او تجارت وزارت وايي، چې د دغه وزارت او د ۱۲ موسسو تر منځ د 1.5 میلیون ډالرو په ارزښت د همکارۍ هوکړه لیکونه لاسلیک شول.
د همکاريو هوکړه ليکونو د لاسليک پر مهال د صنعت او تجارت سرپرست وزیر نورالدين عزيز له یادو موسسو وغوښتل تر څو د پروژو مالي ملاتړ کوونکو ته د خپلو طرحو د وړاندې کولو پر وخت، مهاجرینو ته لومړیتوب ورکړي.
بايد وويل شي، چې دغه ۱۲ موسسې یادې پروژې د ظرفیت جوړونې،د کورنیو د مالي اړتیاوو پوره کولو او د درامد په ترلاسه کې ابتکار، سلمه دوزۍ او ډیزاین زده کړې، د وړو سوداګریو مدیریت، بېرته را ستنیدونکو ته د معشیتي فرصتونو د لاسرسي د زیاتوالي او پایښت او متشبثینو ته د غالۍ اوبدلو او ګرافیک ډیزاین د زده کړې په برخو کې د یو میلیون 553 زرو او 180 ډالرو په ټولیز ارزښت د هېواد په ۱۲ولایتونو کې تطبیقوي.
