سیګار د امنیتي ځواکونو دمرګ ژوبلي ارقام خپاره کړل
کابل ټکی کام ۱۳۹۵ لړم ۹ عبدالهادي همت
په افغانستان کې له افغان حکومت سره د مرستو دتنظیم ادارې (سیګار) راپور ورکړ په روان ۲۰۱۶ کال کې د افغانستان د امینتي ځواکونو ۵۵۲۳ کسان وژل شوي دي.
د سیګار مشر جان ساپکو په درې میاشتني راپورکې چې د امریکاسنا مجلس ته يې لیکلی ویلي دي چې د ۲۰۱۶کال له پیله د اګست تر ۱۹ پوري ۵۵۲۳ افغان امنیتي ځواکونه وژل شوي دي او ۹۶۶۵ زخمیان شوي دي
د سیګار د راپور له مخي تیرکال د ټول کال په اوږدوکې ۵ زره امنیتي ځواکونه وژل شوي و
د امنیتي ځواکونو د وژل شوو شمیر په تیرو اتو میاشتوکې د تیر ۲۰۱۵ کال په پرتله ۹ فیصده زیاتوب ښه يې
یوه هفته مخکي جنرال نیکلسون د امریکایې او ناټوځواکونو قومندان خبرداری ورکړی و چې ضعیفه رهبري د دې لامل شوې ده چې دامنیتي ځواکونوتلفات زیات شي
د سیګار د راپور لمخي د ټولو امنیتي ځواکونو شمیر چې اردو او پولیس کې شامل دي ۳۱۷۷۰۹ نفره دي (۱۶۹۲۲۹ اردو) او (۱۴۸۴۸۰پولیس) دولت ژمنه کړې وه چې په روان ۲۰۱۶ کال کې به د امنیتي ځواکونو شمیر۳۶۰ زرو ته رسوي
سیګار په خپل راپورکې لیکلي دي چې امریکاپه روان کال کې ترسپتمبرمیاشتي پوري ۵۹.۸ میلیارده ډالرکومک کړی دی
د امنیتي ځواکو د روزني او تجهیز په برخه کې ۴۰.۲ میلیارده ډالر او ۱۹.۶ میلیارده ډالر د پولیسو د روزني په برخه کې کومک شوی دی
