کابل ټکی کام ۲۰لېندۍ/۱۳۹۴، قدرت الله حسین
د فلسطين د رام الله شمال لويديځ لور ته غربي تړانګه کې پنځه اسرائيلي پوځيان په موټر وهل شوي دي.
اسرائيلي پوليسو د پېښې پخلی کړی او زياته کړې يې ده، چې يوه مشکوک تن د اسرائيلو يوه ډله په موټر ووهله او په تېښته بريالی شو، پوليس وايي، د پېښې قربانيان تر بېړنۍ درملنې لاندې دي.
د پوليسو په وينا پېښه لويدځ لور ته له اللبن کلي سره پر لويه لار رامنځته شوې ده، چې سيمه وروسته د پوځ تر محاصرې لاندې وه.
له سيمې څخه سرچينې وايي، چې اسرائيلي پوځ د پېښې د ترسره کوونکي د نيولو په موخه سيمه کې د لټون عمليات پيل کړي، خو په نيولو يې نه دي بريالي شوي.