بت شکن طالب
په افغانستان دکمونیزم یرغل په حقیقت کی دویده اسلامي امت د بیدارۍ فیصله وه، د دعوت، اسارت، هجرت، جهاد، جراحت، او شهادت هېرشوي درسونه الله تعالی د افغانانو په لاس د دنیا ګوټ ګوټ مسلمانانوسره تکرارکړل.
د شوروي سور ښامار او دوکه باز دښمن چې ډېر مسلمانان يې د کور کالي او ډوډۍ په دروغجنو شعارونو باندې دوکه کړي وو چا هم دا تصور نه کاوه چې افغانان به د دې بلا څخه نجات ومومي ځکه خو تر ډېره وخته نړیوالو د بشري خواخوږۍ په مقتضی د همکارۍ جرأت نه کاوه خو کله چې روسانو د الله په نصرت د متدینو افغانانو د مسلسل مقاومت په سبب ځای پرځای ماتې وخوړه
نو نړیوالو د کومک او امداد لاسونه راوږده کړل
بلآخره افغانستان د جهادي تربیت زانګو او د شهادت او هجرت د هېرو شويو درسونو مدرسه او د کمونیزم مقبره وګرځېده او د استاذۍ شرف الله تعالی افغانانو ته ورکړ.
الله تعالی فرمايي: اَم یَقُولُونَ نَحنُ جَمِیعٌ※الایه
الحمدالله کمونیزم شکست وخوړ، افغانستان خو پرېږده بلکې دنیاوال ټول د کمونیزم له شر څخه خلاص شول.
خو متأسفانه غربي کافر ته میدان تش پاتې شو.
غرب د خپلو مخلصینو په مټ اول د شیطانت جال خور کړ.
جهادي رهبران او مجاهدین الله تعالی پخپل فضل له دغه مصیبت نه وساتل.
یوازې دا نه چې د بې ساري قربانۍ په نتیجه کې اسلامي نظام قائم نشو بلکې د لکونو شهیدانو وینې توی شوي، د کونډو، یتیمانو او معیوبینو ارمانونه له خاورو سره خاورې شول.
د دیندارو مخلصو مظلومو مؤمنانو هیلې ناهیلې شوې
د داخلي جنګونو لړۍ ګرمه شوه، فاسقانو ته د فسق او ظالمانو ته لارې خلاصې شوي.
شخصي ملېشې جوړې شوي، هغه بشري ناورین منځ ته راغی
خو د دیني مدرسو بااحساسه او بادرکه طالبان راپورته شول، د دیندارو عوامو په ملاتړ يې اسلامي تحریک شروع کړ.
په لږ وخت کې يې تنظیم پرستي، پاټک سالاري، خپل منځي جګړې، قومیت او عصبیت يې ختم کړل.
د (۱۵۰۰) شمېراَهلُ الْحَلِّ وَالعَقَد په واسطه يې اسلامي امارت او شرعي امیر اعلان وکړ، شرعي محاکم يې جوړ کړل، شرعي حدود يې نافذ کړل.
د افغانستان په۹۰ فیصده خاوره کې امن امان خور شو، د دنیا په ګوټ ګوټ کې جهادي تنظیمونو ورسره بیعتونه وکړل او مسلمانانو کې د ازادۍ فکر راژوندی شو.
غرب په دې پوه شو چې دا نظام به ډېر زر لکه سمندر دنیا په سر واخلي او دا پوچه دیموکراسي به لاهو کړي.
او که دا نظام تر یوې سیمې محدود نشي نو کېدای شي، دنیاوال د دغه نظام له وجې د غرب له کفري نظام او دیموکراسي له غلامۍ څخه خلاص شي. نو سمدستي يې نامعقولې بهانې شروع کړي.
چې په نتیجه کې يې د صبر کاسه نسکوره او چپه شوه د عالمي صلیبي جنګ اعلان يې وکړ.
غربیانو ۷۵ فیصده دروغجن تبلیغات او ۲۵ فیصده ټکنالوژي سره خلط کړه د جګړې یو نوی پړاو پیل شو، د داخلي منافقینو ټوپکیانو د شر او فساد سالارانو د خارجي سګ شویانو او د سیکولرستو دیموکراتانو په همکارۍ د اسلامي نظام په ضد صلیبي جګړه شروع کړه؟
فَاِذَاعَزَمتَ فَتوکل علی الله ان الله یُحِبُّ المتَوَّکلِین※الایه
اسلامي امارت د عملي حکمت لاره خپله کړه په لوی الله يې توکل او جهاد ته يې ملا وتړله. د تېر جهاد سنګرونه، زاړه سوپونه، سمڅې او لغمونه يې دښمن ته د ترصد لپاره انتخاب کړل؟
اَلااِن نَصرَالله قَرِیب※الایه
الحمد لله د مسلسلو قربانیو په نتیجه کې د نصرت پلوشې راښکاره شوي. هغه صلیب چې طالب او مجاهد يې انسانان نه بلل خو یو وخت يې د صلحې او مفاهمې مېز ته او دیموکراسۍ کې د شمولیت دعوت ورکړ.
وَقَاتِلُوهُم حتی لاتَکونَ فتنةً وَیکونَ الدینُ کُلهُ لله※
په اساس کلک په خپل دریځ ودرېدل،
غرب پوه شو چې په زاریو کار نه کیږي نو د دې لپاره چې دغه بې کفایته اداره سیکولر نظام په ځای پاتې شي.
نو د طالب خلاف يې د اربکیانو فتنه راولاړه کړه،
فَقَاتلواولِیاءَالشَیطنِ اِّن کَیدَ الشیطن ِ کَانَ ضَعِیفاً
د الله تعالی په مرسته او د مجاهدینو د کلک عزم په برکت دا فتنه هم شنډه شوه د غربیانو اجیران بیا په چغو او فریاد لاس پورې کړ چې که تاسې لاړئ! نو زمونږ به څه حال وي؟
ذَالِکُم وَان الله مُوهِنُ کَیدِالکَافِرینَ※
بل ځای کې الله تعالی مؤمنانو ته خطاب کوي:
اِن الله یُحِب الذینَ یُقَاتِلُونَ فی سَبیلِه صَفّاًکَاَنَّهم بُنیان مَرصُوص الایه
