غورځنګ
ابليس د شيطان نوم دی، شيطان د انسان په رګونو کې شتون لري، په هر وخت کې له هر انسان سره موجود وي، يا خو د نېکو کارونو په تر سره کولو کې شک وراچوي او يا يې هم چور د نېکو عملونو په خلاف ګرځوي.
دغه رنګه امريکا هم په نړۍ کې له هغې زمانې څخه د شيطان رول لوبوي، له کومه وخته چې برتانيې ماتې خوړلې.
کله چې د برتانيې، پرتګال او هالينډ استعماري قوتونه ختم شول او د نړۍ له استعمارګرۍ څخه وغورځېدل نو دا ځل په نړيواله استعمارګرۍ پسې امريکا مټې رابډوهلې، دا چې يو صليبي هېواد د نړۍ له استعمارګرۍ څخه ولوېده او ايله د خلکو خصوصاً د مسلمانانو زړونو قرار ومونده او په دې خوشحاله شول چې که څه هم د برتانيې فرهنګي او کلتوري يرغلونه په اسلامي هېوادونو کې لا هم شتون لري خو نظامي يرغل چې د مسلمانانو ترور کول، وژل او ډول ډول ناخوالې پکې شاملې؛ له منځه لاړ، مګر مسلمانانو لا خوشحالي نه وه لمانځلې چې د برتانيې ميراث امریکا ته پاتې شو او امریکا د شيطان په رول کې له برتانيې څخه هم څو ګامه په بربريت او وحشت کې ځان څرګند کړ.
اسلامي نړۍ خو پر ځای پرېږده! هغه دوه نړيوال اروپايي جنګونه چې په لسګونه ميليونه انسانان يې وخوړل، هم د امریکا په شيطانت تر سره شوي دي، او امريکا له دغو جګړو څخه موخه درلوده چې په نړۍ کې د ملګرو ملتونو په نامه داسې يوه اداره رامنځته کړي چې د امريکا ټولې روا او ناروا کړنې سهي او سمې وګڼي او د امريکا وحشتونو ته ډول ډول دلايل وتراشي.
په همدې اساس کله چې په ۱۹۱۴ ميلادي کال کې لومړۍ نړيواله جګړه پيل شوه او د اروپا هېوادونه په دوو برخو ووېشل شول چې يوه ډله يې محور ځواکونه ونومول شول، او بله ډله يې د متفقينو په نامه ونومول شوه.
دغې جګړې تقريباً څه باندې څلور کاله دوام وکړ. په دغو جګړو کې په ميليونونه انسانان ووژل شول او له وژل شويو زيات بيا پکې معيوب او تري تم شول.
په دې جګړه کې امریکا ته د خپلو خطرناکو وسلو د خرڅلاو مارکېټ خلاص شو او له همدې لارې يې خپل اقتصاد دومره پرمختللی کړ چې اوس دا دی له نولس کاله جګړې وروسته يې هم اقتصاد تقريباً پر ځای ولاړ دی.
امریکا چې ګټه يې په اروپايي جګړه کې وه، هېڅکله نه غوښتل چې دغه جګړه ختمه شي، خو اروپايي هېوادونه نور د پوځيانو له نشتون سره مخامخ وو نو ځکه خو يې په خپل منځ کې اوربند ته غاړه کېښوده، مګر امریکا په دغه اوربند ځکه خفه وه چې د وسلو جوړونې ماشينونه يې ودرېدل او کومه ګټه چې د وسلې خرڅونې له لارې ورتله، د جګړې په ختمېدلو ختمه شوه.
له دې ورسته چې کله هټلر په جرمني کې واک ته رسېږي او د يهودو په خلاف يې خپل جنګ اعلان کړ نو دغه جنګ ته تر ټولو امريکا ډېره خوشحاله وه ځکه چې د وسلو ماشين يې بيا فعال شو او يو ځل بيا يې اروپا ته خپلې وسلې راسر کړې.
دغو جګړو ته چې امريکا خوشحاله وه نو دوه عوامل موجود وو:
يو دا چې د امريکا د وسلو بازار په جګړو جوړ و او وسله خرڅونه کې ښه مارکېټېنګ او د پيسو لاسته راوړنه لرله.
دويم دا چې امریکا ته چانس په لاس ورغی، تر څو هغه اتومي وسلې چې له ډېره وخته يې جوړې کړې وې؛ د استعمال لپاره يې زمينه مساعده شوه چې د همدې په نتيجه کې يې د جاپان پر هروشيما او ناګاساکي ښارونو باندې اتومي بمونه وغورځول او بې درېغه خلک يې پکې ووژل، په دغو دواړو جګړو کې چې ټول اروپايي هېوادونه د امریکا قرضداري وو، نو ځکه خو يې چوپتيا غوره کړه او ټوله نړۍ پرې خاموشه شوه.
له دې وروسته چې کله جګړې پای ته ورسېدلې نو د امريکا د وسلو جوړونې ماشینونه بيا فلج شول، نو د همدې لپاره يې دا ځل د اسلامي نړۍ لپاره پلانونه تر تطبيق لاندې ونيول، چې لومړی يې په عراق باندې په دې بهانه چې صدام حسين کېمياوي وسلې لري، او په خپلو شيعه مخالفينو يې استعمالوي؛ بريد وکړ، خو نه خو يې تر اوسه پورې په عراق کې کېمياوي وسلې وموندلې او نه يې هم څه څرک ولګېده.
دغه شان يې د افغانستان لپاره هم ورته بهانې ولټولې او بريد يې پرې وکړ چې دا دی په نولسو کلونو کې يې هېڅ هم لاسته رانه وړل خو افغانان يې په مختلفو بهانو ووژل، بيا يې په سوريه کې مداخله وکړه، او په يرغمل شويو هېوادونو کې يې د لا لاسوهنې لپاره د داعش ډله رامنځته کړه چې پدې يې نو ټوله اسلامي نړۍ ودردوله.
نو ځکه خو وايو چې امريکا له لومړۍ نړيوالې جګړې څخه بيا تر اوسه پورې د شيطان رول لوبولی دی او خصوصاً په اسلامي نړۍ کې د شيطان حيثيت لري.
