کابل ټکی کام (چهارشنبه، ۲۰ ليندۍ، ۱۳۹۸ل)
۱۷ کلن فرزاد، چې دایې مستعار نوم دی، وايي چې هغه له څو ځله جنسي تیري وروسته اوس همجنس بازۍ ته مخه کړې.
هغه امریکا غږ ته وویل چې ملګرو یې لومړی هغه په مجلسونو کې کې نڅا کولو ته هڅاوه او بیا یې په جنسي اړیکه کې ښکیل کړ.
فرزاد ، چې بلخ ولایت کې اوسیږي ، وايي چې د هغه ملګري ترې څو کاله لوی وو او لومړی د دوی لخوا پرې جنسي تیری شوی دی.
هغه د خپل ژوند ترټولو بده خاطره وويله: “زما بده خاطره دا ده چې زه یو ځل هرات ته د نڅا غونډې ته بلل شوی وم ، مګر کله چې زه هلته ورسیدم پوه شوم چې دوکه راکړل شوې. موږ څلور کسان وو. دوی له موږ څخه موبايلونه او ټول شيان واخيستل او بیا یې زما د ملګرو سره جنسي اړیکه ونیوله او زه اړ شوم چې شپه په سړک کې تیره کړم. “
فرزاد وايي چې اوس مهال ورته جنسي اړیکه یو عادی شی ګرځیدلی ،او که غواړي یا نه غواړي له همجنس بازي زړه لګېدلی دی.
فرزاد زیاته کړه چې اوس یوازې يو ارمان لري، چې له افغانستان څخه ووځي او هغه څه چې په افغانستان کې ورسره مخ شوی، له افغانستانه بهر په خپله خوښه وکړي..
نوموړی چې په پرله پسې ډول له جنسي ځورونې سره مخ شوی ، وایي اوس له کار څخه خوند اخلي او نور دا کار بد نه ګڼي.
د یادونې وړ ده، چې افغانستان ته دامریکایانو له لوري د دموکراسي له راوړلو وروسته دا ډول پېښې زياتې شوي.
