پکتيا: ډنډ پټان کې د افغان او پاکستاني ځواکونو د جګړې له امله شاوخوا دوه نيم زره کورنۍ بې ځايه شوي
کابل ټکی کام(دوشنبه، ۳۰ لړم، ۱۴۰۱ل)
د راپورونو له مخې ، د پکتيا ولايت په ډنډ پټان کې د افغان او پاکستاني ځواکونو د جګړې له امله شاوخوا دوه نيم زره کورنۍ بې ځايه شوي دي.
ځايي سرچينې وايي، چې د پکتيا د ډنډه پټان ولسوالۍ کې د افغانستان او پاکستان پر سرحد د افغانستان د اسلامي امارت سرحدي ځواکونو او پاکستاني فوځيانو تر منځ درنه جګړه شوې ده.
ځايي اوسېدونکي وايي، له دواړو خواو درنې وسلې کارول شوي او د پاکستاني ځواکونو د هاوان پر ګوليو د دوي کلي او کورونه لګيدلي دي.
د ځايي خلکو په وينا، پر سرحد ميشت کليو شاوخوا ۳۰۰۰ کورنۍ د خپلو کورونو پريښودو ته اړ شوي دي او په بد وضعيت کې دي.
دا نښته پرون يکشنبه تر ناوخته روانه وه، خو تر اوسه پکې د اوښتو تلفاتو کره ارقام نه دي رسنيز شوي.
تر دې دمه نه ده معلومه چې جګړه د څه له امله رامنځته شوې او چارواکو هم تر اوسه معلومات نه دي ورکړي.
