کابل ټکی کام (دوشنبه، ۱۴ غویی، ۱۴۰۵ل)
د کانونو او پټرولیم وزارت ويلي، چې له یوه خصوصي شرکت سره یې د ۲۴ میلیونه او ۳۳۲ زره ډالرو په ارزښت تړون لاسلیک کړی، چې له مخې به یې د فاریاب ولایت د کوهستان ولسوالۍ په «سهکو» سیمه کې د پولي میتال کان استخراج ترسره شي.
د یاد وزارت وزیر ملا هدایت الله بدري ویلي، دا تړون د ۳۰ کلونو لپاره له قراردادي شرکت سره شوی او له مخې به یې حکومت ته د کان له عوایدو څخه ۱۶ سلنه خالصه ګټه د حق الامتیاز په ډول ورکول کېږي.
چارواکي وایي، د دې پروژې پلي کېدل به د سیمې اقتصادي وده چټکه کړي او خلکو ته به د کار زمینه برابره کړي، چې ورسره به د فاریاب په کچه د عوایدو او پانګونې کچه هم لوړه شي.
