کابل ټکی کام (دوشنبه، ۱۴ غویی، ۱۴۰۵ل)
د ملي دفاع وزارت وایي، د ۲۰۱ خالد بن ولید قول اردو ځواکونو د ننګرهار ولایت په دوربابا ولسوالۍ کې د نشه يي توکو د قاچاق مخه نیولې او دوه تنه یې نیولي دي.
د وزارت د مطبوعاتي مرستیال صدیق الله نصرت په وینا، دا عملیات د کشفي راپورونو پر اساس د توري ناو سر په سیمه کې ترسره شوي، چې پر مهال یې دوه قاچاقبران له ۱۵ کیلو او ۲۳۶ ګرامه شیشه نشه يي توکو سره یو ځای نیول شوي دي.
چارواکي وایي، نیول شوي کسان به له لومړنیو پلټنو وروسته اړوندو قانوني ادارو ته وسپارل شي، څو د قانون له مخې ورسره چلند وشي.
