کابل ټکی کام (جمعه، ۲۶ سلواغه، ۱۴۰۳ل)
د حماس اسلامي غورځنګ د سیاسي دفتر غړي او ویاند “حسام بدران” کابل ټکی کام ویب پاڼې سره په خبرو کې فلسطيني ملت ته سپارښتنه کړې، چې په ټول توان دې د دښمن د پلانونو پر وړاندې ودریږي.
نوموړي زموږ د خبریال د پوښتنې په ځواب کې ویلي، چې په بيت المقدس او لویدیځه غاړه کې خپل ملت څخه غوښتنه کوو، چې له خپلې خاورې او مقدساتو څخه د فلسطيني ملت د ايستلو پر وړاندې پراخ لاريونونه وکړي او په دې توګه نړيوال خوځښت کې فعال رول ولوبوي.
حسام بدران زیاته کړې:د تاريخ په اوږدو کې د اشغالګرو پلانونه او طرحې زموږ د ملت د مقاومت له امله ناکام شوي دي او زموږ ملت کولی شي، چې د فلسطيني ملت د کډوالۍ په هکله د دښمن ګمانونه يو ځل بيا له منځه يوسي.
نوموړي ټینګار کړی، چې د غزې تړانګه کې پنځلس مياشتې د صهيونيستي اشغالګرو پر وړاندې زموږ د خلکو ثبات وښودله چې د دښمن د نویو پلانونو او طرحو برخليک ناکامي ده.
