کابل ټکی کام (دوشنبه، ۶ کب، ۱۴۰۳ل)
تیره ورځ یو شمېر مخورو فرهنګي څېرو د جهادي ارزښتونو د نوي جوړ شوي ریاست په فعالیتونو خبرې وکړې، په یاده غونډه کې د اطلاعاتو او فرهنګ وزارت نشراتي معین مهاجر فراهي، د فرهنګ او هنر معین عتیق الله عزیزي، د یاد ریاست رئیس مولوي ذبیح الله نوراني او ځینو نورو فرهنګي څېرو ګډون کړی وو.
په پیل کې د جهادي ارزښتونو عمومي رئیس مولوي ذبیحالله نوراني خبري وکړي او د جهادي ارزښتونو د روانو فعالیتونو، لاسته راوړنو او پرمختګونو په هکله تفصیلي وینا وکړه
ورپسي د مجلس ټولو برخوالو په خپل نوبت نظرونه وويل او د جهادي ارزښتونو له روانو چارو یې خوښي څرګنده کړه او د دې ریاست کړني او فعالیتونه یې ډېر مهم ياد کړل
ناسته کې ګډون والو ژمنه وکړه، چې د جهادي ارزښتونو له ریاست سره به په هره برخه کې مرسته کوي او د چارو د ښه تر سره کېدو په هدف به اوږه په اوږه ګډ کار ورسره کوي.
دغه راز د تېر ۲۰ کلن امریکایي ضد جهاد پر مهال د شهیدانو د سوانحو په راټولېدو او د مجاهدینو د خاطراتو پر لیکلو د نظرونو تبادله وشوه او تر څنګه یې د جهادي تاریخ د ثبت او د جهادي موزیمونو د جوړېدو په تړاو هر اړخېزه بحثونه وشول.
دغه راز پرېکړه وشوه چې د یاد ریاست د کارونو زیاتوالي ته په کتو سره به ملګري هڅه کوي څو د جهادي ارزښتونو د ساتنې او خوندیتوب برخه کې لازمې کړنې ترسره کوي.
