کابل ټکی کام (چهار شنبه، ۶وری، ۱۴۰۴ل)
په غزه کې د اسلامي حرکت مقاومت (حماس) غورځنګ د نړۍ ټولو مسلمانانو څخه غوښتنه کړې چې د اسرائيلي اشغالګرو پر خلاف نفيرعام (عام پاڅون-جهاد) وکړي او د غزې د مسلمانانو مرستې او د قدس او الأقصی دفاع ته راودانګي.
په اعلاميه کې د اسلامي او عربي امت په مشرانو او حکومتونو غږ شوی چې خپل مسؤليت ترسره کړي او د بریدونو د بندولو او د غزې د محاصرې د ختمولو لپاره یو قاطع موقف ونیسي او دغه راز له ځوانانو د مظاهرو غوښتنه شوې او له خطيبانو غوښتل شوي چې د راتلونکې جمعې خطبه د فلسطین، غزې، قدس، او د اشغال پر ضد د مبارزې موضوع ته ځانګړې کړي.
د کابل ټکی کام اداره د اسلامي مقاومت حرکت (حماس) ياده اعلاميه د ارزښت له مخې پښتو ژبې ته تر ژباړلو وروسته کټ مټ خپروي:
——–_———————
{انفِرُوا خِفَافًا وَثِقَالًا وَجَاهِدُوا بِأَمْوَالِكُمْ وَأَنفُسِكُمْ فِي سَبِيلِ اللَّهِ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ}
د غزې، قدس او الاقصى دفاع لپاره د نفير عام بلنه
د صهیونیستي اشغالګرو له خوا د بې رحمانه بریدونو، د غزې د خلکو پر وړاندې د عام وژنو، او همداراز، د لویدیځې غاړې، قدس او مسجد اقصی کې د وحشیانه جنایتونو د دوام، د امریکا بشپړ ملاتړ، او د نړیوالې ټولنې چوپتیا ته په کتو،
موږ د خپل ملت، اسلامي امت او د نړۍ د آزادو خلکو څخه غواړو چې د راتلونکې جمعې، شنبې او یکشنبې ورځو کې د غزې، قدس او اقصی د دفاع لپاره، د خپل ملت د ثابت قدمۍ د ملاتړ لپاره، او د اشغالګرو او د هغوی د ملاتړو جنایتونو ته د رد او غندلو لپاره عمومي پاڅون وکړي.
موږ غوښتنه کوو چې ټولو ښارونو او پلازمېنو کې مظاهرې او همغږي شوي فعالیتونه زیات شي، او د رمضان دا مبارکې ورځې د عمومي پاڅون ورځو ته واړوو، د هر ډول وسیلو څخه کار واخیستل شي ترڅو د وژنو، محاصرې، لوږې او ظلم مخنیوی وشي، د غزې ملاتړ وشي، د قدس او مسجد اقصی زړورتیا پیاوړې شي، د اشغالګرو جنایتونه او د امریکا ملاتړ رسوا شي.
لومړی: د لویدیځې غاړې، قدس او اشغال شوې سیمې دننه زمونږ خلکو ته:
د غزې، قدس او اقصی د ملاتړ لپاره مسجد اقصی ته د تلو، هلته د اعتکاف، او د اشغالګرو او استوګنځای جوړونکو سره د مقاومت لپاره چمتو شئ.
دوهم: زموږ خلکو ته د اشغال شوې سیمې دننه او کډوالۍ ته، د ځمکې د ورځې (۳۰ مارچ) په مناسبت:
د پراخو ولسي مظاهرو لپاره راووځئ، د جلا وطنۍ او نیواک سیاستونو ته د نه ویلو لپاره، او د خپل وطن ته د بیرته ستنېدو او آزادۍ حق اخيستلو لپاره.
دریم: زموږ د اسلامي او عربي امت خلکو ته او د نړۍ آزادو خلکو ته:
د راتلونکو جمعې، شنبې او یکشنبې ورځو د قهر او مظاهرو ورځو ته واړوئ، د اشغالګرو او د هغوی د ملاتړو پر ضد فشار ته دوام ورکړئ، د پراخو مظاهرو، لاریونونو، او د صهیونیستي او امریکایي سفارتونو د محاصرې له لارې، او د نسل وژنې جنایتونه رسوا کړئ.
څلورم: د اسلامي او عربي امت مشرانو او حکومتونو ته:
خپل تاریخي مسئولیت ومنئ، د بریدونو د بندولو او د غزې د محاصرې د ختمولو لپاره یو قاطع موقف ونیسئ، او د ملت د مقاومت ملاتړ وکړئ.
پنځم: د جوماتونو خطیبانو او دیني عالمانو ته:
د راتلونکې جمعې خطبه د فلسطین، غزې، قدس، او د اشغال پر ضد د مبارزې موضوع ته ځانګړې کړئ، او امت ته د فلسطین د خلکو د ملاتړ، د هغوی د ثابت قدمۍ، او د خپلو مقدساتو د دفاع اهمیت روښانه کړئ.
د راتلونکو ورځو د سرتاسري قهر د ورځو په توګه وکاروئ، د اشغالګرو او د هغوی د ملاتړو پر ضد، او نړۍ ته وښایئ چې فلسطین، غزه، قدس او اقصی داسې زړور او آزاد خلک لري چې د ملاتړ ناره پورته کوي، او د یو غږ او یو موقف سره د اشغال او د هغوی د ملاتړو پر ضد دریږي.
اعتصابونه او مظاهرې باید تر هغه دوام ولري څو چې بریدونه ودرېږي او محاصره پای ته ورسیږي.
اسلامي مقاومت حرکت (حماس)
سه شنبه: ۲۵ رمضان ۱۴۴۶ هـ
برابر: ۲۵ مارچ ۲۰۲۵ م
