کابل ټکی کام (چهارشنبه، ۱۴ وری، ۱۴۰۴ل)
یمني ځواکونو خبر ورکړی، چې د امریکا د بریدونو په ځواب کې یې د سور سمندرګي سیمه کې يې د “ترومان” الوتکه وړونکې امريکايي بېړۍ، په توغندیو او ډرون الوتکو ویشتلې ده.
د یمني ځواکونو په وینا، دا برید په تېرو ۲۴ ساعتونو کې درېیم ځل دی او د امریکا پر ضد به یې عملیات دوام ولري.
دغه راز، یمني ځواکونو ویلي چې د اسرائیل پر ضد د دوی عملیات، چې د سور سمندرګي او عربي سمندر له لارې د اسرائیلي کښتیو مخنیوی او د اسرائیل پر مهمو پوځي او اقتصادي تأسیساتو بریدونه به يې تر هغه پورې دوام وکړي، چې صهيونيستي اشغالګرو پر غزه خپل بريدونه، نه وي درولي.
