کابل ټکی کام (پنجشنبه، ۱۴ وری، ۱۴۰۴ل)
د د ا.ا.ا د عدلیې وزارت وایي، چې په تېره یوه میاشت کې یې له شل شل زره او څلور سوه جریبه څخه زياته دولتي ځمکه بېرته له غاصبينو راګرځولې ده.
د دغه وزارت ویاند، برکتالله رسولي ویلي چې يادې بېرته راګرځول شوې ځمکې د هېواد په ۱۳ ولایتونو کې موقعیت لري، چې پکې خوست، نیمروز، پنجشیر، بادغیس، میدان وردک او بامیان هم شامل دي.
نوموړي وویل: «له ۲۰ زرو او ۴۴۴ جریبه زیاتې دولتي ځمکې له ارزونې او تثبیت وروسته بېرته اخیستل شوي او اړوندو ادارو ته سپارل شوې دي. په تېره یوه میاشت کې تر ټولو ډېرې بېرته اخیستل شوې ځمکې په بامیان ولایت کې دي، چې ۸۳۵۱ جریبه ځمکه پکې شامله ده.»
له بلې خوا، ځینې شنونکي د دولتي غصب شویو ځمکو د بېرته اخیستلو بهیر مهم بولي او له حکومته غواړي، چې د شخصي غصب شویو ځمکو موضوع هم وڅېړي.
