(فتوا شمیره:55)
پوښتنه:
مفتي صاحب الله مو وساته ، زما پوښتنه داده چې مقیم به مسافرامام پسې څه قسم لمونځ کوي؟
(پوښتنه کونکی: سلام الدین ـ کابل – افغانستان)
الجواب وبالله التوفیق
دمقیم اقتداء په مسافر امام پسې صحیح ده ، او په دوه رکاتي او څلور رکاتي لمونځ کې دمسافر او مقیم لمونځ یو شان وي ، البته مسافر امام چې په څلور رکاتي لمونځ کې دوه رکاته باندې سلام وګرځوي نو مقیم مقتدي دې سلام نه ګرځوي او دوه رکاته دې ځانته وکړي ، خو قراءت (سورت فاتحه) به په کې نه وایي ، یعنې د لاحق مقتدي حکم یې دی.
په شامي کې دي:
( وصح اقتداء المقيم بالمسافر في الوقت وبعده فإذا قام ) المقيم ( إلى الإتمام لا يقرأ ) ولا يسجد للسهو ( في الأصح ) لأنه كاللاحق والقعدتان فرض عليه وقيل لا .قنية (شامي کتاب الصلاة باب صلاة المسافر ټوک 2 مخ 129)
