(کابل ټکی کام ۱۳۹۵لړم ۵) الماس خدرخېل
راپورونه وايي روسيې د نړۍ تر ټولو خطرناکو پرمختللو او قوي اټومي وسلې چې د (ترمو اټومي) توغندي ساتان په نامه ياديږي خبرداری ورکړی دی.
ويل کېږي، چې دغه توغندي په لس زره کيلو متره واټن کې خپل هدف په څو ثانيو کې له منځه وړي او په يوه ثانيه کې ۷ زره کيلو متره واټن وهي.
د satan2 په نامه دغه توغندي ۴۰زره ټنه وزن لري، چې په څو ثانيو کې د فرانسې د مساحت په اندازه سيمه په سکرو بدلولی شي.
په راپور کې ويل شوي، چې نوموړی توغندی په يو وخت ۱۶ اټومي سرګلولې انتقالولی شي او په داسې سيسټم بسيا دی چې رادار نه هم ځان پټولی شي.
د ترکيې trt.net.tr/Pashto خبري اژانس د راپور له قوله، دغه توغندی د امريکا له خوا د دوهمې نړيوالې جګړې پر مهال په جاپان کې د کارول شويو اټومي بمونو نه ۲۰۰۰ برابره قوي او اغيز لرونکی دی.
روسي چارواکي وايي، دا توغندی له مسکو نه د انګلستان پلازمېنې لندن د ويشتو ظرفيت لري او د اروپا هر هېواد چې وغواړي په نښه کولی يې شي.
د يادونې ده، چې روسيه د نوموړي توغندي څخه کلکه ساتنه کوي.
