حنیف اتمر له بهرنیو سفارتونو د حکمتیار لپاره پیسې غوښتي
(کابل ټکی کام ۱۳۹۵ لړم ۸) زرغون خوږیاڼی
د ځینو سرچینو په خبر کې ویل شوي ، چې حنیف اتمر په کابل کې د بهرنیانو له سفارتونو څخه د حکمتیار لپاره پیسې غوښتي دي.
په خبر کې ویل شوي ، چې اوسمهال حکمتیار د دولت ځواکونو سره له جګړې لاس اخیستی، نو باید مالي امکانات یې برابر شي.
نوموړي بهرنیو سفارت کارانو ته ویلي، چې ستاسو راکړې پیسې به حکمتیار ته وسپارم؟
۸صبح ورځپاڼې د ځینو باوري سرچینو په حواله ویلي،چې حنیف اتمر له بهرنیو سفارتونو پیسې د حکمتیار د مالي لګښتونو لپاره غوښتي تر څو ورباندې د خپل حیب او حزب مالي لګښتونه پوره کړي.
د یادونې وړ ده چې ګلبدین حکمتیار د تلې په اتمه نیټه له اوسني حکو مت سره د سولې تفاهم لیک لاسلیک کړ، چې ولسمشر اشرف غني ورته په بدل کې امنیتي ځواکونو ته سپارښتنه وکړه چې د د ګلبدین دجګړه مارو پر ضد کوم فعالیت ونکړي او ملاتړ یې وکړي.
ویل کیږي چې د سولې شورا لخوا به په دې اوونۍ کې د ملګرو ملتونو څخه په رسمي توګه د ګلبدین نوم له تور لیسته څخه د ویستلو غوښتنه وکړي.
