په هلمند کې ۹ تنه امریکایي پوځیان ووژل شول

کابل ټکی کام: لړم ۹ مه ۱۳۹ل ( بصیراحمد پاڅون )
تیره شپه د هلمند ولایت ګرمسیر ولسوالۍ کې د  ( ډویر ) پوځي اډې نه بهرني عسکر په خپلو ټانکونو کې د ګزمې او عملیاتو په خاطر راووتل.
طالبانو په یوه خپره کړي خبرپاڼه کې ویلي چې د رود غاړې په سیمه کې د ماسخوتن په ۹ بجې د بهرنیو ځواکونو یو ټانک د طالب جنګیالیو په یو ښځ کړي مائن وربرابر شو چې د انفجار په ترڅ کې په بشپړه توګه له منځه لاړ او پکې سپاره څلورتنه بهرني پوځیان ووژل شول، طالبان وایي چې د شپې په ۱۲ بجو دویم ټانګ هم د خښ کړي مائن په واسطه له منځه یوړل شو ، ورپسې په پلیو بهرنیو عسکرو هم دریمه چاودنه وکړای شوه چې ټول ۹ تنه بهرني عسکر ووژل شول.
بهرنیو عسکرو او حکومتي چارواکو تر دې وخته په دې اړه تر اوسه رسنیو ته څه نه دي ویلي.
د طالبانو له خوا د ورکړل شویو راپورنو په حواله د تیرې او روانې اونۍ په اوږدو کې بهرنیو پوځیانو ته د مائنونو ، سرتیري برید او چاپو په مهال درنه مرګ ژوبله اووښتي ده.
بهرنیو عسکرو په طالبانو ، عامو خلکو او حکومتي سرتیرو خپلو بمباردونو ته دوام ورکړی او د روان میلادي له پیل نه یې ۷۰۰ هوایي بریدونه کړي چې زیات شمیر ملکي خلکو، طالبانو او حکومتي سرتیرو ته یې مرګ ژوبله اړولي ده.