کابل ټکی کام عبدالله هاشمي
د تېرې جمعې په ورځ د فلسطین د غزې په ښار کې ۱۴ فلسطیني ځوانان هغه مهال د اسرائیلو په ډزو ټپيان شول کله چې فلسطیني ماشومانو اسرائيلو ته ښکنځل وکړل.
اسرائیلو فلسطینۍ ماشوم ونیولو او فلسطیني ځوانانو یې د خلاصون لپاره هڅې پیل کړې چې شخړه په ډزو واوښته او د ۱۴ فلسطیني ځوانانو په ټپي کېدو سره پای ته ورسیده.
د راپورونو له مخې پرون د فلسطین تلویزیون خبر ورکړی دی چې د غزې بیت حانون سره نږدې اسرائیلي فوځيانو د فلسطین په ځوانانو ناتاره ډزې پیل کړې چې په نتیجه کې یې ۱۴ فلسطیني ځوانان ټپيان شول.
د غزې د روغتیا د ریاست رئیس اشرف القدره هم تائید کړې ده چې روغتون ته ۱۴ فلسطیني ټپیان رسول شوي دي، چې د بعضو حالت یې نازک ښودل شوی دی.
د یادونې وړ ده چې د تېر ۲۰۱۵ کال د اکتوبر د میاشتې راپدېخوا د بیت المقدس شاوخوا سیمو کې اسرائیلي فوځیانو تر ۱۰۰ زیات فلسطینیان وژلي او په زرګونو ټپيان کړي دي.
آزاده او خپلواکه پاڼه
