د عامې روغتیا وزیر ته د ايچ ای وي ویروس ککړه ستن وهل شوې

کابل ټکی کام  (هفته، مرغومی ۱۹مه، ۱۳۹۴ ل):

 له کابل خپریدونکې هشت صبح : ورځپانې په یوه خبري مطلب کې لیکلي دي، چې د عامې روغتیا وزیر ډاکتر فیروز الدین فیروز باندې پلازمینه کابل پل سوخته سیمه کې د مخدره موادو د یوه تن معتاد له برید سره مخ شو، چې د (HIV) ویروس ککړه ستن يې پر بندن ننوتله .

ورځپاڼه وايي، د روغتیا وزیر فیروز تېره اونۍ دوزارت دیوشمېر چارواکو سره یو ځای سیمې ته تللی وو، چې له پل سوخته څخه  پر مخدره توکو روږدي کسان ونیسي او د فنیکس کمپ ته يې واستوي، په همدې وخت کې یو معتاد پر وزیر  دهغې ستنې بريد وکړ، چې پر (HIV) ویروس ککړه وه .

پیچکاري دوزیر په بدن کې ننوتلې او له  پېښې وروسته نوموړی وزیر سمدستي  د درملنۍ په موخه  هندوستان ته تللی دی .

د عامې روغتیا وزارت چارواکو دغه راز ویلي دي چې د نوموړي په وینه کې د (HIV) اثرات څرګند شوي دي .

سليم بریال