کابل ټکی کام ( شنبه، ۱۴ غوايي ، ۱۳۹۸ل)
د امریکا او ایران ترمنځ د اړیکو د تاوتریخوالي حد یو بل ته تر ګواښونو رسیدلی دی.
تازه د امریکا د بهرنیو چارو وزارت ویلي چې پر ایران به فشارونو ته همداسې دوام ورکړي.
د امریکا د بهرنیو چارو وزارت په خپره شوې اعلامیه کې وایي چې ایران د ټولې نړۍ لپاره ستر ګواښ او دوی به خپلو فشارونو ته د دې لپاره دوام ورکړي ترڅو ایران د اټومې وسلې له جوړولو لاس په سر شي.
ایران د امریکا دې خبرو ته تر اوسه کوم غبرګون نه دی ښودلی خو د ایران د بهرنیو چارو وزیر جواد ظریف ویلي وو چې ایران ممکن د اټومې وسلو د نه پراختیا له هوکړې ووځي.
ظریف ویلي وو چې دا کار به د امریکا د فشارونو په بدل کې کوي.
امریکا تر دې وړاندې د ایران د تیلو په صاداراتو هم بندیز ولګاوه خو ایران یې په اړه وویل چې دوی به د خپلو تیلو صادرولو ته همداسې دوام ورکړي او د امریکا بندیز به هېڅ اغیز پرې ونکړي.
امریکا د ایران سپاه پاسداران ډله هم په تور لیست کې شامله کړه چې د ایران غصه دې کار هم سخته راوپاروله.
د ډونالډ ټرمپ له راتګ سره د امریکا او ایران ترمنځ اړیکې بیا نه دي ښې شوي او ورځ تر بلې خړې پړې کیږي
