د هرات د ګمرک څلور تنه کارکوونکي تښتول شوي دي
د هرات د والي وياند احسان الله حيات رسنيو ته ويلي دي، چې د دې ولايت د ګمرک څلور تنه کار کوونکي تښتول شوي دي.
نوموړي زياته کړې ده، چې دغه کار کوونکي تېره ورځ د اسلام قلعه او هرات ښار پر لويه لار تښتول شوي دي.
د هغه په وینا تر دې دمه د دې تښتونې انګېزه څرګنده نه ده او هيڅ ډلې تر دې دمه د پېښې پړه پر غاړه نه ده اخستې.
ښاغلي حيات ويلي دي، چې امنتي ځواکونو او قومي مشرانو د دې کسانو د موندلو او خوشې کولو لپاره هڅې پېل کړې دي.
