ډاکټر آصف
تیره ورځ د افغانستان مسلمان او مجاهد خلک یو ځل بیا د جنسي یووالي حکومت د زابل ولایت د عدلیې ریاست د جنسي یووالي د ګرم بازار شاهدان وو، دا ځل د عدلیې رئس په خپل نفس نفیس او په ښکلې سپینې ږیرې سره د خپل یوه نارینه مامور نه د لواطت ټینګه مطالبه کړې ده؛ خو غافل له دې چې دا ځل دغه مامور له هغه نه د هغه غوښتنه په ویډیویي ډول ریکارډ او محکمې ته وړاندې کړې ده.
د دې جنسي یووالې حکومت په راتلو سره او د ډموکراسۍ نظام د قوانینو نه په استفادې سره له دې نه مخکې هم ورته دا ډول ډیری قضیې پیښې شوي دي، چې په لاندې توګه ورڅخه په لنډه توګه یادونه کوو. د کابل په باګرام کې د امریکایی پوځیانو لخوا پر افغاني ترجمانانو جنسي تیری، په کابل کې د لغمان ولایت د یوه اوسیدونکی لخوا پر خپله لور جنسي تیری، په پغمان کې د پغمان– کابل پر لویه لاره له یوه واده نه پر بیرته راګرځیدونکو میرمنو په جماعي ډول جبري جنسي تیری، د ننګرهار د محکمې د یوه سپین ږیري قاضي محمد طاهر لخوا د یوې پیغلې ژورنالیستې نه د هغې د کیس د ختمولو په عوض کې د جنسي اړیکې یا په ظاهره د نکاح غوښتنه چې ویډیويی ریکاډ شوې وه خو حکومت د قاضي طاهر پلوی وکړ او د ژورنالیستې قضیه یې په جعل کارۍ سره پای ته ورسوله، په کابل کې د بشر د حقوقو د مشرې سیما ثمر لخوا نجوني نامشروع جنسي اړیکو ته د تشویقولو پروژه، چې تر دې دمه هم دوام لري او په ډیری رسنیو کې خپره شوې ده، دا او داسې نور بې شمیره پیښې چې د ټولنیزو رسنیو له لارې خپرې شوې دا ټولې مُشت نمونه خروار دي.
دا ډول بې شمیره پیښې هره ورځ په سلګونو او که ووایو چې په زرګونو دي مبالغه به نه وي، مسلمان او مجاهد هیوادوال په دې ښه پوهیږي چې د دې ټولو لامل د اسلامي قوانینو نه بشپړ لرې والی او پر ډموکراسي نظام ایمان راوړل او د هغې په رڼا کې ازادي تطبقول چې په اصل د حیوانیت نه هم یو قدم ورآخوا ازادي ده، ځکه چې تر اوسه به چا نه وي لیدلي چې نارینه څاروي له نورو نارینه څارویو سره د جنسي عمل خوا ته حرکت کړی وي؛ خو په رسنیو کې به مو لیدلي او اوریدلي وي چې د ډموکراسي په راتلو سره آن په کوچنیو ۷ کلنو نارینه او ښځینه ماشومانو هم دغه ډول تیریو صورت نیولی دی او ځینې یې له جنسي تیري نه وروسته وژل شوي هم دي.
په سلګونو او زرګونو جنسي تیریو د ټولو پیښو په رامینځته کیدو سره یواځې د پغمان مجرمینو ته د مرګ سزا ورکړل شوې ده چې تر یو حده یې د جنسي تیریو دغه کچه لږ راټیټه هم کړه.
دا نوې پیښه خو اوس په یو دولتي ارګان کې چې د عدلیې ریاست دی افشا کیږي، دا چې نورې پټې پیښې به نورې څومره وجود ولري علم یې یواځې له الله سره دی او که له دولتي ارګانونو نه لږ غوندې ورآخوا ته د نادولتي او په نوم خیریه مؤسساتو ته سر ورښکاره کړو، نو جنسي جنون پکې اوج ته رسیدلی دی.
د مؤسساتو په هره خونه کې په رڼا ورځ زناګانې او لواطتونه ناوړه اعمال روان دي، آن تر دې چې د دفتر محافظین، او ټیټ رتبه مامورین دغه جنایات د سر په سترګو ویني؛ خو د خپلې بې وسۍ له کبله هیڅ هم نشي کولای، یواځې په پټه توګه ما او تاته د دغو جنایاتو نه یادونه کولای شي او بس.
