ډاکټر آصف
په هر ځای کې چې جګړه وي نو طبعي ده چې جګړه حتما له ځان سره مرګ ژوبله، ورانۍ او ویجاړي لري، له وچو سره به لامده هم سوځي، ښځې، ماشومان، سپین ږیري او سپین سرې، معذور افراد او بې وزله خلک به هم کله ناکله د جګړو د اور خوراک ګرځي، له دې نه هیڅوک انکار نشي کولای، چې دا کارونه کله سهواً صورت نیسي کله نیمه سهوه وي او کله هم په عمدي توګه وي، چې د غندلو وي ځکه چې نه په کوم دیني چوکاټ کې او نه هم په انساني چوکاټ کې ځای لرلای شي.
قطبي خرسان چې عصري او اهلي نوم یې روسان دي، بشر څه چې خره ځناور هم د دوې د جګړییزو وحشتونو نه پناه غواړي. چې په خپلو له فاجعو ډکو وحشیانه کړنو سره له خرسانو نه هم څو قدمه مخکې دي، پخواني کرکجن او له نفرته ډک اعمال به یې اوس دلته پریږدو، لاړ به شو په سوریه او عراق کې د دوې غیر انساني هغو کړنو ته چې ټول یې په سترګو وینو، په غوږو یې اورو چې د دغې سیمې پر مسلمانو خلکو یې ترسره کوي چې لا هم دوام لري، او ټوله نړۍ یې د میډیا خصوصا د فیس بُک له لارې نندارې ته ناست دي.
د عراق او سوریې ښکلي لرغوني ښارونه یې په کنډوالو بدل کړي، د ژوند نظام یې له مینځه وړی، په سلګونو زره بې ګناه انسانان یې په خپلو کورنو کې د خپلو کورونو د دیوالونو او چتونو لاندې کړي او وژلي، او په خپلو وینو کې یې لت پت کړي.
د قطبي خرسانو مشر خرس ولایمیر پوتین په خپلو تازه ویناو کې ویلي دي چې که د نړۍ په هر یوه هیواد کې د روسیې پر سفارت برید وشو نو د نړۍ په یوه ځای کې به هم رانه مسلمان خلاص نشي، د دغه خرس دغه وینا د فرعون ګواښونو ته ورته ده، چې ان شاءالله انجام به یې هم د فرعون انجام ته ورته وي.
عجیبه وخت دی، عجیبه حالات دي او عجیبه انسانیت او بشریت دی، د نړۍ له هاغه سره یو خرس را پورته کیږي او د نړۍ په بل سر کې د نورو په معاملاتو کې مداخله هم کوي، خلک یې هم وژني کورونه او ښارونه یې هم ورانوي په ښځو، ماشومانو او سپین ږیرو او سپین سرو باندې تر ټولو درانه بمونه هم وروي، او بیا د بې وزله انسانانو په وینو ککړو خولو باندې ګواښ هم کوي چې که له مونږ سره مو غرض وکړ، نو په یوه ځای کې به هم مو پرینږدم.
نوره عجیبه لا دا هم ده چې د نړۍ ټول اسلامي هیوادونه د دغو خرسانو وحشیانه کړنې په رډو رډو سترګو ګوري خو یو یې هم د مقابلې میدان ته د وردانګلو جرأت قدرې هم نه کوي، او نه هم د پوتین کرغیړنو څرګندونو ته ځواب ورکوي.
په سلګونو زره مسلمانان یې په خپلو وینو کې ولمبول او لا نور یې هم ګواښي، خو په ټوله نړۍ کې داسې څوک نشته چې د خرس ځواب قدري هم له خولې وباسي.
که هر څومره په دې موضوع کې بحث او څیړنې وکړو بالآخره دې نتیجې ته رسیږو چې مسلمان هیوادونه ټول بیل بیل شوي دی او هر یو د (نفسي نفسي) په فکر کي دي، او (بُز به پای خود و ګوسفند به پاي خود) په حالت کې قرار لري، چې لامل یې د نن نه ۹۰ یا سل کاله مخکې د ځواکمن اسلامي خلافت له مینځه تلل دي، تر څو چې ټول مسلمانان او اسلامي ممالک د یو سوچه، قوي او نړیوال اسلامي خلافت احیاء ونکړي نو قطبي او غربي خرسان به یو یو هیواد په نوبت نوبت سره له ستوني تیروي او بالآخره به د ځمکې پر سر د لا اله الا الله ویلو څوک پاتې نشي، نو هم به په دنیا کې له شرم او رسوایۍ سره مخ وو او هم به په آخرت کې د خدای تعالی پوښتنو ته ځواب ونشو لرلای.
