د کابل په هوايي میدان کې د خلیل الله اندرابي د وتلو مخه ونیول شوه
کابل ټکی کام (۱۳۹۵ لړم ۹) عبدالهادي همت
د میدان وردک ولایت پخوانی امنیه قوماندان خلیل الله اندرابي د کابل په هوايي ډګر کې ترکیې ته له تګه منع شو.
اندرابي وروسته له دې د میدان وردګ ولایت له امنیه قوماندانۍ لېري شو او له هیواده پر وتلو یې بندیز ولګول شو چې په بغلان کې د ده په موټر کې د طالبانو قوماندان قاري ظاهر وموندل شو.
قاري ظاهر په خنجان ولسوالي کې د پولیسو له لوري په ټپي حالت کې وموندل شو.
له اندرابي څخه د تحقیقاتو لپاره د کورنیو چارو وزارت د امنیتي مرستیال په مشرۍ یو پلاوی ګومارل شوی و خو تراوسه پوري په دې اړه هیڅ نه دي ویل شوي چې د تحقیقاتو نتیجه څه شوه.
اندرابي د طالبانو د قوماندان د لېږدولو تور رد کړی دی.
