هندي کشمیر کې مرګونی برید شوی
د راپورونو په اساس د هندوستان تر کنټرول لاندې په کشمیر کې په هندي زیارت کوونکو خونړی برید شوی چې پکې ۲۲ کسانو ته مرګ ژوبله اوښتې
د کشمیر پولیسو رسنیو ته ویلي دي چې د انانت ناګ د ښار د بوتین ګو په ولسوالۍ کې د هندي زیارت کوونکو په بس موټر خونړي برید لږ تر لږه ۷ تنه مړه او ۱۵ تنه نور ټپیان کړي دي.
پولیسو ویلي چې برید کوونکي د برید نه وروسته له سیمې څخه په تیښته بریالي شوي دي.
د برید مسئولیت تر اوسه پورې کومې وسلوالې ډلې په غاړه ندی اخیستی .
