(کابل ټکی کام ۱۳۹۶غبرګولی ۲۱) الماس خدرخېل
د سوريې رسنۍ وايي، په يوه هوايي بريد کې د داعش يا د اسلامي دولت ډلې مشر ابوبکر البغدادي وژلی دی.
د سپوټنک خبري اژانس د سوريې د دولتي تلويزيون له قوله راپور ورکړی، چې نوموړی تېره ورځ د هوايي بريد پر مهال وژل شوی دی.
د روسيې ۲۴ تلويزيون ويلي، دا بريد پرون ورځ د سوريې په رقه کې د سوريې او عراق پولې ته څېرمه ترسره شوی دی.
تر دې مخکې هم د ابوبکر البغدادي د وژل کيدو او د نيول کيدو په اړه راپورونه خپاره شوي دي.
تر اوسه داعش ډلې په دې اړه رسنيو ته څه نه دي ويلي.
