کابل ټکی کام ( یکشنبه، ۱۴تله، ۱۳۹۸)
د عراق په یو شمېر سترو ښارونو کې له تیرو پنځو ورځو راهیسي د حکومت په خلاف سخت لاریونونه روان دي.
مظاهره چیان د حکومت په خلاف شعارونه ورکوي او وایي چې بې کارۍ د دوی ژوند تریخ کړی او همدا رنګه په ټکو یې چې د دوی په هیواد کې فساد هم خپل وروستي حد ته رسیدلی دی.
عراقی حکومت د دې لاریونونو په کابو کولو کې پاتې راغلی دی.
د پولیسو او مظاهره چیانو ترمنځ اخ او ډب هم رامنځته شوی چې په پایله کې یې تر دې دمه لسګونه کسان وژل شوي او ګڼ شمېر نور ټپیان دي.
په عراق کې د بشري حقونو کمېسیون هم مرګ ژوبله تائید کړی او وایي، چې ۱۰۰ تنه وژل شوي دي.
تېره ورځ په دې هیواد کې د شیعه ګانو مشر مقتدی صدر په دې حالت سخته خواشیني څرګنده کړې وه او له حکومتي چارواکو یې غوښتي وو چې واک دې پریږدي.
امریکا، سعودي او ملګرو ملتونو هم د عراق له حکومته غوښتنه کړې چې حوصله وکړي او قهرجنو لاریونونو ته دې د پای ټکی کیږدي.
