روسیې او اوکراین د یو او بل لسګونه اسیران خوشې کړې دي
کابل ټکی کام (سه شنبه، ۲۵ تله، ۱۴۰۱ل)
د نړیوالو خبري اژانسونو د راپورونو له مخې د اسيرانو د تبادلې په يوې معاملې کې روسیې ۱۰۸ اوکرایني اسیران خوشې کړې دي.
د اوکرايني اسيرانو په ډله کې ۳۸ هغه اوکراينۍ مېرمنې هم شاملې دي چې د ازوفسټال د پولادو کارخونې په کلابندۍ کې روسيې نيولې وې.
د روسيې په ازادو شويو اسيرانو کې ۳۰ تنه پوځيان او اتيا نور بیا د هغه هېواد د سوداګريزو بېړيو ماڼوګان شامل دي چې اوکراین نيولي وو.
د اوکراين د ولسمشر دفتر ويلي چې ازادې شوې اوکرايني اسيرانې پرون ماښام د زاپوريژيا ښار هغې سيمې ته ور رسېدلې دي چې د اوکراين تر ولکې لاندې دي؛ خو ځينو روس پلوو سرچينو بيا ويلي چې د اوکراين په ازادو شويو اسيرانو کې، دوه تنو یې اوکراين ته د ستنېدو پر ځای په روسيه کې پاتې کېدل غوره بللي دي.
