(کابل ټکی کام ۱۳۹۶غبرګولی ۲۹) الماس خدرخېل
وړمه ورځ د جاپان په سواحلو کې د امریکا متحده ايالتونو يوه جنګي بيړۍ د يوې لويې بار وړونکې تجارتي بيړۍ سره ټکر وکړ، چې له امله يې امريکايي بيړۍ زيانمنه او اووه امريکايي سمندري عسکر په اوبو کې ډوب شول.
د راپورونو له مخې امریکا نن اعلان کړې چې ورک شوي سرتيري يې موندلي دي.
ويل کېږي، دغه سرتيري د بيړۍ د جنګيدو پر مهال ويده و چې جنګيدو سره سم د سختو څپو له امله سمندر ته لويدلي دي.
د امريکا دغې جنګي بيړۍ د سپسيفيک د سيمې د امنيت په موخه د جاپاني سمندري ځواکونو سره په ګډه خپله دنده کوله.
په ياده پېښه کې د اوو امريکايي عسکرو د مړه کيدو په ګډون يو شمير نور ټپيان شول او جنګي بيړۍ ته يې هم دروند زيان واوښت.
