ټرمپ او د شمالي کوريا ولسمشر سينګاپور ته رسېدلي دي
(کابل ټکی کام، ۱۳۹۷، غبرګولی ۲۱) د امريکا ولسمشر ډونالډ ټرمپ او د شمالي کوريا مشر کيم جون اون يوبل سره د ملاقات لپاره سينګاپور ته رسېدلي دي.
د بي بي سي د راپور پر اساس لومړی د شمالي کوريا مشر دغې هېواد ته تللی او څو ساعته وروسته د ډونالډ ټرمپ الوتکې هم په سينګاپور کې ناسته وکړه.
د سينګاپور د بهرنيو چارو وزير د دواړو مشرانو هرکلی کړی او ټاکل شوې ده چې سبا د سې شنبې په ورځ له يوبل سره وګوري او د امریکايي چارواکو په وينا هيله ده چې په دې ليدنه کې شمالي کوريا له خپلو اتومي وسلو له جوړولو لاس په سر شي.
د امریکا ولسمشر له کيم سره دغه کتنه د سولې په برخه کې مهمه بللې او د شمالي کوريا مشر ويلي چې نړۍ د دغې ليدنې پايلو ته سترګې په لار ده.
تدا له معلومه نه ده چې کيم به اتومي وسلې د اقتصادي او امنيتي امتیازونو په بدل کې له منځه يوسي که نه؟
د شمالي کوريا رسمي خبري سرچينې وايي، مشر يې له اتومي وسلو د پاکې کوريا په هکله له ټرمپ سره خبرې کوي.
د سينګاپور چارواکي وايي، پر دغه سرمشرېزې چې ټرمپ او اون له يو بل سره ګوري پنځلس ميلیون ډالره لګښت راغلی چې نيمايي يې پر امنيتي تدابيرو لګېدلی دی.
