کابل ټکی کام ( شنبه، ۷ غوايي ، ۱۳۹۸ل)
دافغانستان دګډ حکومت مشر اشرف غني نن د پخواني جهادي مشر عبدالرب رسول سیاف کورته ورغلی، او له نوموړي سره یې د سولې مشورتي جرګې په تړاو خبرې اترې کړې دي .
دا جرګه نږدې راتلونکي کې جوړیږي او دچمتوالي لپاره یې ټول تدابیر نیول شوي دي ، له دې جرګې سره یو شمېر ګوندونو ، سیاسیونو او ولسمشریزو ټاکنو ته نوماندانو لا له وړاندې پرېکون اعلان کړی دی .
د دې ناستې په اړه نور جزیات ندي خپاره او داهم ندي ویل شوي ، چې سیاف به په دې جرګه کې ګډون وکړي او که نه .
طالبانو هم نږدې دوه ونۍ وړاندې له دې جرګې سره مخالفت وښود، اودیته یې دملي پرځای دحکومتي جرګې نوم ورکړ.
پخواني ولسمشر حامد کرزي که څه هم تراوسه له جوړېدونکې جرګې سره په ښکاره مخالفت ندی څرګند کړی، خونوموړي نن له رسنیو سره په خبرو کې وویل، چې دا لاسته راوړنه بللی شو، خو که خلک ترې غلطه استفاده ونکړي، دنوموړي اشاره دحکومت وروستۍ ناغېړیو ته وه.
