کابل ټکی کام (جمعه، ۲۲ وږی ، ۱۳۹۸ل)
دګډحکومت مشر محمد اشرف غني نن کابل کې له خپلې کمپایني غونډې څخه پر وسلوالو طالبانو غږ کړی چې له بې معاشه جګړې لاس پر سر او بامعاشه جګړې ته ادمه ورکړي.
غني ډیری وخت په غیر شعوري ډول یوشمېر متضاد شعارونه بدرګه کوي چې یو شعار یې هم دا بلل شوی دی.
غني زیاته کړې، طالب جنګیالي بغیر له کوم معاش سختۍ ګالي، قرباني ورکوي او جګړې کوي، دده په خبره که دولت ته تسلیم شي د لوړ معاش تر څنګ به یې په نورو امتیازاتو هم ونازوي.
تر دامهاله لوړ پوړو چارواکو تور پورې کاوه چې طالبان دبهرنیو استخباراتو په لمسون او معاش افغانستان کې جګړې کوي؛ خو دغني تازه اعتراف د طالبانو دحقانیت دلیل بلل شوی، او دځینو دولت پلوو غبرګونونه یې پارولي دي.
